Nagmahay ngan nangaro hin pasaylo an usa nga Criminology student matapos nga manuntok ha usa nga pulis ha sulod han KTV Bar ha syudad han Ormoc.
Sumala kan PSupt. Carlito Gallardo, Ormoc Station 1 commander, ginkilala an suspek nga hi Raymart Hernan Cañeda, 22 anyos, residente ha Brgy. Suba, Villaba Leyte.
An iya naman ginsuntok in ginkilala nga hi PSInsp. Brian Vicedo, Chief of Police han Matag-ob Leyte.
Subay hiton inisyal nga imbistigasyon han mga otoridad, durante daw ha sulod han mao nga irinuman, ginkuha daw han suspek an iya pitaka ngan tigda dumako an boses ngan nakipag away ha usa liwat nga babaye nga customer.
Hi SInsp. Vicedo in usa liwat nga customer hadto nga mga oras, naglilipay pa daw kay bag-o nga napromote. Ginsaway niya an suspek pero an resulta in ginsuntok hiya ni Cañeda.
Ngakagurumok na ha sulod han mao nga irinuman kay bumulos hi Vicedo pagsuntok ha suspek.
Umabot an mga kapulisan ngan gindara an suspek ha Police station.
Plano nga pasakahan ni Vicedo an suspek hin kaangayan nga kaso.
