Davao City – Temporaryo lamang nga matang sa klase diha sa mga tulonghaan ilawom sa ‘New Normal’ modality ang pagpatuman sa ‘Blended Learning’ karong mga panahona alang sa School Year 2020-2021.
Sumala ni Davao City Premier District Councilor Pilar Braga, Chairperson sa Sangguniang Panglungsod (SP) Committee on Education, adunay konkretong mga pamaaging gitomar karon ang Department of Education (DepEd) aron magpadayon ang klase pinaagi sa gitawag nga virtual class, e-learning mode, printed modules or training packets, airtime sa radyo ug telebisyon kun ‘school-on-the-air’ ug uban pang learning delivery modality.
Matud ni Braga, ang importante mao nga adunay gihimong mga critical interventions ang education department aron sa ingon, dili na maapektohan ang pagtoon sa mga kabataan taliwala ning atong nasinatiang COVID-19 pandemic.
RadyoMaN Bernard Pantallon
