Davao City – Magsilbing alternative swabbing center ang Crocodile Park sa Davao sulod sa unom ka bulan gikan Mayo hangtud Nobyembre ning tuiga.
Matud ni Davao City Mayor Sara Duterte-Carpio (sa interbyu sa city-owned radio), i-cater sa Crocodile Park ang tanang adunay Influenza-like illness (ILI) symptoms, gitawag sa contact tracing, F1 hangtud F3 close contacts, ug kadtong gitudlo nga kabahin sa surveillance swabbing.
“From May 14 to November 17, 2021 ang atoang request nga ipadayon og gamit ang Crocodile Park para sa atong swabbing. Alternative swabbing center na ‘ni siya sa atoang Sta. Ana (swabbing center),” sulti sa mayor.
Kahinumduman nga unang giabrihan ang Crocodile Park isip drive-thru swabbing area alang sa Public Utility Vehicle (PUV) drivers sa dakbayan.
Samtang, gihulat pa usab ang ‘go signal’ sa health group kung abrihan usab ang Magsaysay Park isip swabbing area kung gikinahanglan.
RadyoMaN Kirby Manzon
