Nalusutan ng Golden State Warriors ang Los Angeles Clippers, 129-127 para mabingwit ang kanilang ikawalong panalo sa sampung laro.
Nakagawa si Curry ng 42 points na ikalawa sa pinakamataas niyang scoring output ngayong season.
Naitabla pa ni Avery Bradley ang iskor sa 127 sa nalalabing 20.6 seconds pero naipasok ni Curry ang kanyang crucial lay-up sa nalalabing 0.5 seconds ng laro.
Bumida rin sa panalo ng Warriors si Kevin Durant na nagposte ng 35 points.
Habang sa panig ng Clippers, nanguna si Tobias Harris sa kanyang 32 markers na dinagdagan ng 25 points ni Lou Williams.
Facebook Comments
