Davao City – Nanawagan karon sa nasud-Pilipinas ang pundok-relihiyoso nga gamiton sa katawhan ang iyang kusog ingon man katakos nga depensahan ang atong mga kagawasan gikan sa mga masupilon ug niadtong buot moguba sa atong panaghiusa ingon man kagawasan.
Sa pakighinabi kaniya sa programang ‘Straight to the Point,’ gisugilon ni Archbishop Oscar Cruz, Judicial Vicar sa Catholic Bishops Conference of the Philippines (CBCP) nga bantayan nato kanunay ang atong kagawasan gamit ang padayong pag-vigilar ug pag-utilisar sa kagahum sa balota diha panahon sa eleksyon.
Dugang pa sa Archbishop Emeritus sa Archdiocese sa Lingayen Dagupan nga samtang nagasud-ong kita sa mga panghitabo sa atong palibot karong adlawa mientras gi-komemorar ang ika-45 anyos nga kasumaran sa deklarasyon sa martial law, kinahanglan nga andam kanunay ang ‘silent majority’ nga mobarug, motingog ug mopadayag sa gimbut-an niini sa ngalan sa demokrasya, kaangayan ug sa atong nasudnong kagawasan.
RadyoMan June Duterte
