Cagayan de Oro City – Dakong hisgutanan karon sa tibuok kalibutan ang kwarta nga dili mahawiran apan daghan ang gagamit. Mao kini ang gitawag nga Crytocurrency o Digital Money. Ang kala-inan niini sa atong ginagamit karon nga salapi kay ang Cryptocurrency decentralized. Pasabot walay ni kinsa man ang ga-control sa Cryptocurrency. Dili pareho sa atong kwarta nga hawid sa Banko Sentral ng Pilipinas ilabina sa pagpadaghan, pagbahinbahin ug ang paglimitar sa kapas nga makapalit.
Nasayod ka ba nga adunay 1,567 kapin ka klase sa Cryptocurrency nga ga-circulate sa Digital Market? Kada usa niini adunay nagkalain-laing value sa World Market. Kada segundo pwede ma-usab ang value sa matag Cryptocurrency depende sa Supply and Demand niini.
Nasayod ka ba nga usa kini sa nakitang alternatibo sa pagpadako sa imong kwarta? Daghan na ang nadatu apan daghan usab ang na-ilad. Bag-ohay lang nanggawas ang mga balita sa nagkalain-laing storya sa mga na-Scam sa matud pa pag-invest sa mga nag-unang Cryptocurrency sa tibuok kalibutan.
Unsaon man aron malikayan ang gitawag nga SCAM?
1 – Mag-research sa sudlan nga klase sa investment nga nagagamit og Cryptocurrency. Lakip usab sa dapat tun-an kung tinuod ba ang kumpanya nga sudlan. Mapa Mining, Trading o Exchanger man, dapat rehistrado o legal kini nga ga-operate sa kung asa man kini nahimutang nga nasud.
2 – Siguruon nga aduna kay makita nga resibo o platform nga magpamatuod sa gakahitabong transaction.
3 – Likayi usab ang pagsalig sa magpatuong broker o miyembro sa mga nasangpit nga investment.
4 – Ang pinaka importante sa tanan ang dili pagsulod sa unsa mang klase sa investment kung aduna kay wala nasabtan ilabina sa pamaagi niini sa pagbayad sa imo.
