Davao City – Nihimo gyod og house to house validation ang City Social Services Office Buhangin District aron maseguro nga ang tanang nakadawat og ayuda gikan sa lokal nga panggamhanan mga biktima gayud sa baha.
Gipaklaro ni CSSDO Buhangin District head Norman Baloro nga walay dili biktima sa baha nga nakadawat sa gihatag nga pagkaon ug pinansyal nga tabang.
Gibutyag ni Baloro nga dili lamang ang CSSDO ang nihimo og validation apan uban nila ang mga opisyal sa barangay nga nitabang og identipika sa mga apektado sa baha.
Mokabat sa P28M pesos na ang na-release nga financial assistance ngadto sa mga flood victims sa Buhangin District.
Aminado si Baloro nga adunay pamilya hinuon nga sobra ang nadawat nga food packs diin inay kapin 4,000 families lamang ang mga biktima sa baha nakatala og 8,000 families ang nagpalista.
Nigula sa ilang gihimong validation nga adunay pamilya nga nagpalista nga per individual.
Anaa na sa kapin 4,500 ka pamilya ang nakadawat na samtang dul-an 700 pa ang wala natunulan og pinansyal nga hinabang.
Ang mga totally damage ang mga panimalay nidawat og P10,000, P5,000 usab alang sa mga partially damage ug sa mga apektado sa baha nidawat og P3,000 pesos nga financial assistance.
RadyoMaN Aimee Guinita
