Davao City – Mireklamo sa Sta Ana Pnp ang usa ka commercial sex worker human nga gibaharang patyon kini sa iyang customer nahitabo alas 10:30 sa kagabhion didto sa usa ka hotel sa may Cabaguio ning dakbayan sa Davao.
Subay sa report gikan sa Sta Ana Pnp ang CSW gitago sa pangalang alyas Jean, 33 anyos nagpuyo sa Bankerohan ning dakbayan.
Matud pa samtang anaa sa nahisgutang hotel ang duruha gipugos matod pa sa iyang customer nga makighilawas kaniya apan gibalibaran kini sa naasoyng commercial sex worker gumikan wala pa kini mihatag og unang bayad hinungdan nga nasuko ang iyang customer ug nangbahad nga patyon kini.
Rason sa commercial sex worker nga duna silay gisabutan una muadto sa hotel mubayad daan apan wala nituman og sabot ang iyang customer kinsa mulakaw gilayon human sa pagdumili sa babae.
Gumikan sa kahadlok gipablotter sa CSW ang maong lalaki pinaagi sa pagpablotter sa Sta Ana Pnp.
Radyoman Don Pulayao
