Davao City – Gipakusgan karon sa City Social Welfare and Development Office (CSWDO) sa Davao City ang mga operasyon sa pagluwas, surveillance, ug kampanya sa pagpahimangno batok sa panglimos ug pagpang-abuso sa mga kabataan sa kadalanan, ilabi na karong duol na ang panahon sa Pasko.
Lakip sa giuyonan nga lakang mao ang pag-relaunch sa Kean Gabriel Hotline kaniadtong Hulyo 18, nga naglakip usab sa anti-mendicancy campaign sa siyudad.
Matod ni Sharlene Blas Villaluz, focal person sa Children Needing Special Protection sa CSWDO, nagpadayon 24/7 ang ilang street educators sa profiling, samtang gipahugtan usab sa district offices ang surveillance ug rescue operations alang sa mga kabataan nga nagapuyo o nagatrabaho sa kadalanan.
Dugang pa, gipaninguha usab sa dakbayan ang paghatod og direkta nga serbisyo ngadto sa Indigenous Peoples (IPs) sa kabukiran aron malikayan ang ilang pagpanaug sa siyudad ug pagpangaroling sa kadalanan, nga delikado kaayo ilabi na para sa mga kabataan.
RadyoMaN Kareen Beltran
Facebook Comments
