Davao City – Padayon ang pagtunol og tabang sa Davao City Social Welfare and Development Office (CSWDO) ngadto sa fire victims sa Calinan ug Matina kinsa naugdaw gyud ang panimalay ug walay nasalbar.
Sa pamahayag pa ni CSWDO Acting Assistant Head Sara Festin nga nahatagan dayon nila og aksyon o relief assistance ang mga nasunogan sama sa mga pagkaon ug mga nag-una nilang panginahanglan.
Subay sa datos, ang sunog nga miulbo sa Magsaysay Street Calinan Poblacion miugdaw sa upat ka mga panimalay ingon man sa Barangay Matina.
Nagapadayon usab ang buhatan sa pag-alalay sa kapin 300 ka mga pamilyang nasunogan sa Brgy. Leon Garcia, Agdao ning syudad.
Gipanaad sa CSWDO nga kanunay nakaandam ang ilang tabang alang sa katawhang biktima sa sunog ug sa bisan unsa pa man nga kalamidad.
RadyoMaN Ivy Parido
Facebook Comments
