CSWDO: Senior’s cash aid gikatakdang i-release na

36

Davao City – Sugdan karong semanaha sa Davao City Social Welfare and Development Office (CSWDO) ang pag-release sa cash assistance alang sa kwalipikadong senior citizens sa syudad sa Davao diin anaa sa kapin 88,000 seniors ang makadawat sa maong ayuda nga anaa sa P1,500 matag tuig.

Giklaro sa CSWDO pinaagi ni Gilda Dela Gente-Salvaña, Division Chief, Social Services Operation (SSOD), nga walay gitugotang seniors nga mukuha sa ilang ayuda, inay ilahang representative lamang ang mag-claim niini isip pagtuman sa health and safety protocols batok Coronavirus Disease 2019 (COVID-19).


“Mokuha sila’g barangay certification nga lumolupyo siya ana nga barangay ug naa siyay relasyon atong senior citizen. Magpakita sila’g valid ID at least isa kabuok. Kana iyang valid ID ilang ipa-photocopy, isa lang kabuok ug pirmahan ikatulo ug modala siya sa Senior Citizen ID issued by OSCA (Office of Senior Citizen Affairs) or COMELEC (Commission on Elections) ID signed by the senior citizen,” segun ni Salvaña.

Unang ma-release ang payouts sa Baguio ug Marilog Districts karong semanaha diin anaa sa 1,855 senior citizens sa Baguio District ang makadawat karong adlawa, Biyernes (Enero 29, 2020) diin ma-claim sa nahisgutan ang kwarta sa musunod nga mga lugar:

Barangay Cadalian ug Carmen – Cadalian Gym; Brgy. Wines, Brgy. Baguio Proper, Brgy. Tawan-Tawan – Brgy. Baguio Proper Gym; Malagos ug Gumalang – Malagos Gym; ug Brgy. Tambubong – Brgy. Tambubong Gym.

Sa Marilog District, anaa sa 2,627 ka benepisyaryo ang makadawat sa ayuda ugmang adlawa, Sabado (Enero 30, 2021) sa musunod nga mga lugar.




Barangay Tamugan, Suawan and Malamba – Brgy. Suawan Gym; Brgy. Bantol, Brgy. Magsaysay ug Brgy. Gumitan – Marilog Proper Gym; Marilog Proper – Kipalang Gym; Brgy. Dalag, and Brgy. Salaysay – Brgy. Salaysay Gym; ug Brgy. Baganihan, Brgy. Datu Salumay and Brgy. Buda – Datu Salumay Gym.

Target usab sa distribusyon sa financial assistance sunod semana ang nahibiling mga barangay nga anaa sa listahan sa CSWDO.

RadyoMaN Kirby Manzon

Facebook Comments