Sumala ni Julie Dayaday, CSWDO OIC, andam ang lokal nga panggamhanan nga tabangan ang mga biktima batok sa mga gapangabuso kanila.
Matud niini nga gatanyag ang mga gobyerno og mga interventions alang sa mga biktima kun survivors sa violence partikular na mga sexually abused.
Gibutyag ni Dayaday nga dinhi sa dakbayan adunay walo ka mga rape survivors nga gitabangan sa gobyerno ang nagmalampuson na sa ilahang mga kinabuhi ug gani ang usa kanila buot nga magmaestra.
Samtang, sumala ni Police Major Catherine Dela Rey nga sagad gayod sa mga kaso sa lugos sa syudad mga late reporting na tungod kay nahadlok ang mga biktimang musumbong kay adunay hulga sa ilahang mga kinabuhi.
Gidasig sa kapulisan ang mga biktima nga i-report gilayon kanila ang pagpangabuso sekswal aron sa hinanaling panahon madakpan ang mga responsable, makasuhan ug matagaan gayod sila’g hustisya.
Sa datos sa DCPO, sa 1st quarter of 2023 nakatala og 26 rape cases ang syudad.
RadyoMaN Aimee Guinita
