Davao City – Ubay-ubay gihapon ang nadawat nga mga mulo sa City Social Welfare and Development Office kun CSWDO dinhi sa syudad bahin sa rasyon.
Sa pakighinabi sa DXDC RMN Davao kang CSWDO Head Malou Bermudo, sagad sa ilang madawat mao ang mga reklamo nganong wala naapil ang ubang mga dabawenyo sa rasyon.
“Naay mga nagduol sa atoa, nagareklamo nga wala na-include sa lista sa ilang purok o barangay… Mao ni ang mga common, so gina re-assess, ginabalikan sila para ma-include o ma-consider sila,” segun ni Bermudo.
Hugot gipahinumduman ni Bermudo nga dili gyud tanan makadawat sa rasyon ug kadto lamang nalakip sa parameters o mu-qualify nga makadawat sa ayuda diin ang anaa sa parameters mao sila ang mga indigent o mga kabus nga wala na’y kita tungod sa COVID-19, mga contractual employees nga nawad-an og trabaho tungod sa COVID-19, mga self-employed sama sa mga sidewalk vendors, masahista, etc nga nawad-an og pangita tungod sa COVID-19.
Samtang sa mga nagpaabot og tubag sa second round sa rasyon, gipasabot ni Bermudo nga ang unahon usab og hatag mao kadtong nahatagan niadtong March 23, 2020 gumikan mag usa na sab ka bulan sukad nga nahatagan og ayuda ang kadtong unang batch.
Alang usab sa mga pangutana, mamahimong mutawag sa ration card hotlines:
TAWAG: 0945-987-4505
TEXT: 0945- 987-4213
Dugang pa sa mga dunay concern sa Ration ug Ration Card, mamahimo kining tubagon online form. I-click lamang kini bit.ly/davaocityration.
RadyoMaN Renz Barbarona
