Davao City – Wala sumala pa nagkulang ang Davao City Transport and Traffic Management Office (CTTMO) sa pagpahimangno sa mga motorista aron malikayan ang disgrasaya diha sa kadalanan.
Sa interbyu sa DXDC RMN Davao kang Dionesio Abude, head sa CTTMO, gibutyag niini nga sukad nga gipatuman ang pag-isyu og citation ticket, miabot na sa 154,000 ka mga indibidwal ang na-isyuhan niini tungod sa nagkadaiyang kalalapasan o violations.
“Nag start ta og implementation sa atong citation ticket gikan adtong September 11, 2017 hangtud karon, niabot na og one hundred fifty four thousand (154k) ang atong nadakpan,” butyag ni Abude.
Gibutyag ni Abude nga pinakadaghan niini mao ang paglapas sa “no helmet” ug “disregarding traffic signs” nga miabot sa kapin 20,000 katao. Ubay-ubay usab ang nakalapas labot sa speed limit, driving without license ug uban pang violations.
Samtang pahimangno sa CTTMO head nga angay usab nga uyon sa code sa lisensya sa sakyanan nga imaneho sa driver aron malikay sa disgrasya.
RadyoMaN Kirby Manzon
