Davao City – 40 ka mga traffic enforcers sa City Transport and Traffic Management Office (CTTMO), aron mopatuman sa hapsay nga dagan sa trapiko sa ablihan nga 7 kilometros nga Davao City Coastal road 1st segment karong adlawa July 01, 2023.
Sumala ni CTTMO Operation Head Bonifacio Caprecho, ang maong enforcers ipakatag kini human sa seremonyas nga himoon sa pormal nga pag-abli niini sa publiko.
Matud ni Caprecho, kagabii pa nagsugod na sila og deploy sa ilang mga personahe sa Coastal road alang sa hapsay nga dagan sa mga sakyanan nga mo-agi sa coastal road karong adlawa.
Dugang niya, walay ipatuman nga rerouting sa mga sakyanang pribado ug depasaheroan sugod karong adlawa.
Una niini giingon ni DPWH-XI Spokesperson Dean Ortiz, alas 10:00 karong buntag sugdan ang inagurasyon sa 1st segment sa Coastal Road nga pangunahan mismo ni Presidente Bongbong Marcos Jr., ug pagkahuman pormal na kining ablihan sa publiko.
RadyoMaN Joel Viray
Facebook Comments
