Sa pakighinabi sa DXDC News Team kang Alfredo Tamayo, CTTMO Assistant Traffic Operation Officer, ang proseso sa pagparehistro sa mga bike himoon sa Barangay ug rekisitos niini ang resibo sa gipalit nga bike ug (resibo) sa mga spare parts nga gipalit nga gi-assemble.
Dugang ni Tamayo, sa mga second hand nga bike nga gipalit sa silingan kinahanglang magkuha og affidavit of ownership gikan sa abogado ug Barangay Clearance ingon man bayad sa rehistro nga P100.00 per bike.
Pagpasabot ni Tamayo nga sa mga gusto magparehistro sa ilang bike mamahimong moadto sa ilang barangay ug adunay registration form, inspection report form ug order of payment nga i-fill out.
Human niini ang tanang rekisitos isumite sa buhatan sa CTTMO.
“Karon na ang time, dili man lisud kung asa nga Barangay didto ra pod sila moadto, magparehistro sila kay that’s the time na naa poy instruction si sir Abude regarding aning mag implement na sab og dakop,” sulti ni Tamayo.
RadyoMaN Don Pulayao
