Davao City – Kinahanglang mag-doble amping ang mga drivers o motorista sa pagmaneho ilabina karong ting-ulan aron makalikay sa disgrasya.
Nagpahimangno si City Transport and Traffic Management Office (CTTMO) Chief Ret. Police Dionisio Abude sa tanang mga drivers kabahin sa defensive driving ug una mobyahe diin kinahanglang i-check ang brakes, lights, oil, water, batteries, air, gas, engine, tires ug self (BLOW-BAGETS).
“Kung defensive driving ta dili man kay ang laing tao ang atoang giproteksyunan kundili sarili nato. Kung kitang tanan nga naa sa kalsada defensive driving ta malikay ta sa disgrasya kung naa man lang galing, minimal na siya,” segun ni Abude.
Sumala ni Abude, dili matagna ang disgrasya apan mamahimong mapugngan kini kung responsable ang driver sa pagsusi sa iyang sakyanan usa mobiyahe
Subay sa report sa Davao City Police Office (DCPO), nakatala og minor injuries ug walay casualty sa vehicle collision sa CP Garcia Highway Corner Pag ibig, Buhangin, Davao City human gidaro sa usa ka cargo truck, ang daghang mga sakyanan tungod kay nawad-ag brake.
RadyoMaN Aimee Guinita
