Davao City – Gitino karon sa City Transport and Traffic Management Office (CTTMO) nga dili nila pugson ang usa ka driver kon dili mubayad sa gipatuman karon nga kobransa sa parking fee.
Sumala ni CTTMO Chief Dionisio Abude, iya nang gimandoan ang iyang mga traffic enforcers nga dili makig-away or bin ba kaha makiglalis sa mga motorista ingon man kon dili mubayad apan i-note lamang ang plate number sa sakyanan ug muadto na lamang sa ilang opisina.
Hinoon giklaro sa hepe sa CTTMO nga wala nagpasabot nga como ang usaka motorista wala masayud or dili pamilyar sa maong kobransa nga exempted na kini sa pagbayad sa mandated parking fee amount.
Sa panahon nga magdumili sa pag-settle ang usaka subject motorist, gikinahanglan kining husayon diha sa opisina sa CTTMO.
Kahinumduman nga gipatuman na ang mga pay parking zones sa pipila ka areas sa syudad sama sa CM Recto ngadto sa Bolton, Bolton ngadto sa Engineer’s Drive, Engineer’s Drive ngadto sa City Hall Drive, City Hall Drive ngadto sa may Inigo, Inigo ngadto sa Quirino, San Pedro St. ngadto sa Duterte St, Duterte ngadto sa Luna, Luna ngadto sa Pelayo, Pichon ngadto sa San Pedro, San Pedro ngadto sa Rizal/Duterte, Rizal ngadto sa Bonifacio, Pichon to San Pedro, San Pedro ngadto sa Rizal, Rizal ngadto sa Bonifacio, Ilustre ngadto sa Pelayo, Guerrero ngadto sa Chavez, Chavez ngadto sa Suazo, Suazo ngadto sa Sales, Sales ngadto sa Gempesaw, Gempesaw ngadto sa Lizada, Lizada ngadto sa Bangoy, Bangoy ngadto sa Alvarez ug JP Laurel ngadto sa Guerrero.
RadyoMaN Renz Barbarona
