Sa pakighinabi sa DXDC RMN Davao kang Dionisio Abude, CTTMO Head gibutyag niini, sa unang adlaw nakatala og 103 na ka mga violator nga nakalapas sa new speed limit ug gi-isyuhan og citation ticket.
Segun ni Abude, mga lugar nga didto gipahigayon ang operation sa Diversion Road, CP Garcia Highway, Dumoy ug Binugao Toril, syudad sa Davao.
Dugang ni Abude, 24 oras ang operasyon ug adunay mga sakop sa CTTMO, ang naka-assign matag gabii alang sa pagmonitor sa mga kadalanan kung gituman ba ang bag-ong speed limit sa mga driver.
Subling nagpahimangno ang opisyal, sa mga motorista nga tumanon ang mga balaud sa trapiko ug ang bag-ong speed limit.
“Mosunod lang ta sa traffic rules and regulations para sa driver ang pagtuman og pag respito sa maong balaud para malikayan ang disgrasya sa kadalanan”,sulti ni Abude.
RadyoMaN Don Pulayao
