Davao City- Gi-abisohan daan sa Davao City Traffic and Transport Management Office ang publiko sa traffic scheme nga ipatuman sa pipila ka dalan sa downtown kini subay sa ilusad nga Banda Dasig ug Parada sa Pasko kansang kabahin sa mga aktibidad sa Pasko Fiesta karong tuiga.
Matod ni CTTMO Head Dionisio Abude, magsugod ang Regulate Road Closure ug No Parking pagtungtong sa 3:00 sa kadlawon nga maglungtad gikan sa Disyembre 18-22,2023, ug kini nagpasabot nga ang tanang bihikulo pampubliko man o pribado sa mga dalang Roxas Avenue, Cm Recto, paliko patuo paingon sa San Pedro, ug mulusot sa dalang Anda, ug dayon gawas paliko sa dalang Magallanes ning siyodad.
Busa gitambagan ni Abude ang publiko nga kon wala man lang mahinungdanong katuyoan sa downtown area mas maayo magpundo nalang sa ilang mga balay, o dili ba kaha mag-commute, ug dili na magdala og ilang mga pribadong Sakyanan aron dili na magdugang og kaguot sa dagan sa trapiko sa dakbayan sa Dabaw.
RadyoMaN Joel Viray
Facebook Comments
