Sumala ni CTTMO Operation Chief Alfredo Tamayo nga makanunayon ang kulaborasyon sa ilang buhatan ug sa City Economic Enterprise sa mga operasyon kontra mga vendors nga gapaninda sa mga sidewalk sa Dakbayan.
Giingon ni Tamayo nga ang City Economic Enterprise ang dunay diriktang hurisdiksiyon sa mga vendors ug ang ilang buhatan igo ra magpaabot og reklamo batok sa mga vendors nga mag-display sa sidewalk ug sa mga kadalanan.
Giingon ni Tamayo nga partikular usab ilang aksiyonan ang mga reklamo sa mga bihikulo nga magparking sa mga dalan ug sa sidewalk diin ang publiko na hinoon ang maglisod og agi.
Dugang sa Opisyal, nga dunay panahon ginahatagan og konsiderasyon ang mga vendors basta mutuman lang sa 2/3 policy diha sa paggamit sa sidewalk.
Hinuon, sa kinatibuk-an, gisulti sa CTTMO Operation Head nga halos limpyo na hinuon gikan sa mga Vendors ang mga Sidewalk ug ang mga nag-unang kadalanan sa Dakbayan sa Dabaw ug wala pa silay nakita nga problema ning kasamtangang panahon.
RadyoMaN Joel Viray
