Matud ni CTTMO Head Dionisio Abude, nag-request na siya og pundo aron pagrepair sa mga traffic lights nga nadaut. Giangkon ni Abude, nagpabiling problema hangtod karon ang guba nga mga traffic lights sa pipila ka dalan sa syudad, apan maapektohan ang pagrepair niini, tungod sa High Priority Bus System (HPBS) Project sa dakbayan sa Davao.
Ingon ni Abude, ang kasamtangan nilang ginalihok karon, mao ang sestima sa traffic light nga gina-una ang kadtong maagian sa HPBS nga mga intersection aron dili na mohunong pa sa mga kanto. Lakip nga i-muntar sa traffic light, ang capturing system nga bisan og anaa pa sa 50 metros ang HPBS gikan sa intersection, makuha dayon kini sa sestima ug sa maong paagi, molahos kini ug dili na mohunong pa sa mga kanto.
Hinuon, wala gitino sa CTTMO Head kung idungan sa pag-ayo sa ubang mga traffic lights, ang pagtaod sa capturing system ug kung kanus-a usab kini mahatagan og katumanan ang tanan.
RadyoMaN Joel Viray
