CTTMO: pagtrabaho sa bike lane temporaryong giundang

28

Davao City – Temporaryong giundang una sa City Transport and Traffic Management Office (CTTMO), ang pagpintora sa bike lane dinhi sa syudad sa Davao, sumala ni CTTMO Head Dionesio Abude human nahinabi sa DXDC RMN Davao.


Segun ni Abude, gihunong ang pagtrabaho niini tungod sa dili maayong sitwasyon sa panahon ug dili usab mamahimong magtrabaho sa adlaw tungod kay makahatag ug kahuot sa dagan sa trapiko.

Matud ni Abude, ilang paningkamutan nga mahuman ang pagpatrabaho.

Pahimangno ni Abude sa mga siklista, kinahanglang mosubay sa bike lane ug dili mo-counter flow tungod kay gidili kini sa city ordinance sa syudad sa Davao.

“Naa na silay bike lane dili sila mo counter flow…,Dapat mosunod sila traffic law para wala silay violation ug sa mga motorista dapat mu-respeto sila sa bike lane ug dili sila muharang sa mga nagbisikleta,” sumala ni Abude.

RadyoMan Don Pulayao

Facebook Comments