Davao City – Nagpadayon karon ang pagpatuman sa road clearing operations sa mga barangay sa dakbayan sa pagpanguna sa City Transport and Traffic Management Office (CTTMO) subay usab sa kamanduan ni Presidente Rodrigo Duterte sa Department of Interior and Local Government (DILG).
Sa interbyu sa DXDC RMN Davao kang Bonifacio Capricho Jr., Operations Head sa CTTMO, gibutyag niini nga pipila na usab ka barangay sa syudad ang nahinloan diin human kini pangunahan sa buhatan angay kining i-maintain ug i-monitor sa mga brangay officials.
“Nag assist sila [mga kapitan] sa amoa sa road clearing namo. Kay after road clearing nga naa mi, after ana sila na ang mag monitor sa mga area nga among gituyok kay mao na nay ilang responsibilidad sa DILG nga memorandum,” saysay ni Capricho.
Sa gi-isyu nga Memorandum Circular 2020-27, gimando sa DILG ang paghinlo sa mga dalan batok sa mga ‘illegal structures’ ug ‘obstructions’ sulod sa 75 diyas diin kini gisugdan niadtong Pebrero 16, 2020.
Magbaton usab og evaluation ang DILG sa nahimong ‘performance’ sa mga local government unit (LGUs) sa road clearing operations sa Abril 30, 2020.
RadyoMaN Kirby Manzon
