Sa eksklusibong interbyu sa DXDC RMN Davao kang Alfredo Tamayo, CTTMO Assitant Traffic Operation Officer, sagad sa mga sakyanan nga gipang-towing sa mga personahe sa CTTMO ang gipangbilin sa mga driver sa kalsada gikan tulo ka adlaw hangtod na sa usa ka semana nga wala na gibalikan sa mga driver.
Dugang ni Tamayo, maka-towing sila og usa ka sakyanan sa usa ka adlaw base sa reklamo nga gipadangat sa ilang opisena ug kinahanglan usab ang police blotter, apan kung nakababag na sa drive way ang sakyanan kinahanglan na i-tow.
Gipasabot ni Tamayo ngadto sa mga driver, ang gipang-tow nga mga sakyanan dunay kini multa o towing fee nga P1,500.00 samtang ang motorcycle P200.00 ang penalty.
“Actually, mao gyud ni isa sa mga pahimangno ni CTTMO chief Dionisio Abude nga ang tanan mga area diri sa City, partikular sa atoang central business area, mag-igmat sila nga ang ilang sakyanan i-park gyud nila sa insaktong lugar,” saysay ni Tamayo.
RadyoMaN Don Pulayao
