Sa interbyu sa DXDC RMN Davao kang Alfredo Tamayo, Assistant Traffic Operation Officer sa CTTMO, gisaysay niini nga wala kaayoy kausaban sa traffic plan, diin ginasunod gihapon ang naandan nga ruta ilabi na sa mga aktibidad sama sa Parada Dabawenyo, diin temporaryong gamitong dalan sa mga motorista ug commuters ang Quirino ug Boulevard nga dalan.
“Kung kinsa ‘tong mga naka-experience na sa atong celebration sa Parada (Dabawenyo) sa Araw ng Dabaw, most likely, the same lang ang ruta. Wala siya giusab kay templated na ‘to. Mao na ‘to atoang ruta sa Parada,” saysay ni Tamayo.
Dugang ni Tamayo nga ilaha ra usab nga ipahibalo o i-post sa ilahang official Facebook page (City Transport and Traffic Management Office – Davao City) kung adunay kausaban o adjustments sa traffic plan.
Mihangyo og pagsabot ang CTTMO official sa publiko sa ipatumang rerouting sa maong panahon alang sa ika-86 nga Araw ng Dabaw.
RadyoMaN Kirby Manzon
