Despues del cuatro dia, ya recobri ya con el cuerpo del 44-año persona quien junto ya man anud na rio del Sitio Buug Mundo, Sibulao, enantes aga.
Na report del Vitali Police Station ta aparese con el cuerpo di Antonio Capuno, casao, de Tagasilay ya encontra na rio del Sitio Pucutin, Sibulao.
El cadaver tiene ya olor porcausa ta entra ya cuatro dia este ta esta muerto.
Acordando, si Capuno junto con Erson Fabian Bermon, 9-año ya man anud del rio del Sitio Buug Mundo na Sibulao del Lunes tarde.
Con el cuerpo di Bermon dayun ya encontra ala noche na mismo siempre rio.
Asegun, ta travesa estos dos na rio amediante delgrande avenida y ya sigui estos man anud na corentaso del agua. Dayun ya conduci el embuscada con estos el maga concierne persona junto con el otoridad.
