Sa interbyu sa DXDC RMN Davao kang 10th Infantry Division spokesperson Capt. Mark Anthony Tito, sunod-sunod nga engkwentro sa kasundalohan napatay si Booc ug laing 4 pa ka mga rebelde nga giilang sila Jojarain Alce Nguho II alias Rain, usa ka giilang Daday samtang ginaila pa ang duha ka mga naneutralisang mga NPA.
Gibutyag ni Tito giingong mga sakop sa Regional Headquarters, Southern Mindanao Regional Committee (RHQ, SMRC) nga gituohang gipangunahan nila Eric Jun Casilao alias Wally/Ellan ug Leo Lacumbo alias OLE sa Regional Operations Command, SMRC (ROC, SMRC).
Samtang, niatras ang kauban sa mga napatay ug nakuha sa encounter site ang mga armas nga M653 rifle, usa ka caliber 45 pistol, hand grenade, anti-personnel mine, food supplies ug mga personal nga gamit.
Sumala ni Tito, usa si Chad Booc sa mga naarestong personalidad niadtong February 15, 2021 sa Bakwit school sa San Carlos University – Talamban Campus, Cebu City tungod sa alegasyong trafficking sa mga Indigenous People gikan Talaingod, Davao del Norte. Base sa desisyon sa korte sa Cebu gibuhian si Booc ug laing 6 pa.
Si Booc nigwadwar nga Cum Laude sa UP Diliman sa kursong Bachelor of Computer Science.
Gipadangat ni 10th Infantry “Agila” Division Commander MGen Nolasco Mempin ang iyang pahasubo sa mga pamilya sa napatay nga mga NPA diin dili unta kini mahitabo kung nitahan sila sa gobyerno.
“We have warned them multiple times to peacefully surrender to the government, however, they chose to resist to continue the bloodshed that resulted to their demise. Together with their former comrades, we again urge the remaining members of the CTG to return to the folds of the law.” matud ni Mempin.
RadyoMaN Aimee Guinita
