El gefe del Sangali Police Station si Captain Albert Alfaro ya confirma que ta esta pa siempre largao si Fernando Limen quine ya tahya consu mismo cuniao del Domingo tarde na Zone 2, Bunguiao.
Asegun con Alfaro despues lang del incidente ya escapa si Limen dehando con el victima si Alipio Antonio y Macaso, 38, de Zone 2, Bunguiao, tumbao na camino con monton irida de taho na cuerpo.
El incidente ya sosede serca man alas 5 del tarde cuando si Antonio muntao na motorsiclo junto consu entenao si Alex Limen Embing, 17, que ta maneha Kim Alviar, 15 anio y cuando ya llega estos na Zone 2, derepente ya aparese si Limen y ya tahya que tahya con el victima por muchas beses.
Nupuede pa habla el pulis si cosa el causa del incidente mientras ta recopera y ana hospital el victima.
Asegun con Alfaro masquin gendeh puede aresta con Limen ay tene siempre sila que planta caso con este na corte para sale su warrant of arrest.
Cuniao contra cuniao
Facebook Comments
