Magasugod karon sa gab-i ang curfew for minors sa ciudad sang Iloilo.
Angut sini pagadakpon sang Taskforce on Moral Recovery and Transformation, PNP, DSWD kag brgy officials ang mga menor de edad nga nagalagaw paglampas sang alas 10 sa gab-i tubtob alas 4 sa kaagahon.
May nagaka-igo nga penalidad sa mga madakpan nga mga kabataan nga nagabayolar sa curfew for minors kag sa ila ginikanan.
Suno kay Mr. George Duron, kon ginapasugtan sang ginikanan ang bata nga magsupak sa kasugu-an, mahimo nga mapreso ang ginikanan sang indi magnubo sa 30 ka adlaw kag indi maglapaw sa anum ka bulan.
Subong man, exempted naman ang mga minors nga makagwa sa sining oras nga ginabawal sang ordinansa halin alas 10:00 sa gab-i tubtob alas 4:00 sa aga kun upod sang menor de edad ang iya ginikanan ukon guardian.
Exempted man ang mga kabataan nga naghalin sa nagkalain-lain nga mga aktibidades kag manugpa-uli na sa ila panimalay.
Facebook Comments
