Ang maong EO nagpasabot nga ang menor de edad o 18 anyos paubos hugot nga gidili nga maglatagaw o maglaag sa gawas gikan alas-10:00 sa gabii hangtod alas-5:00 sa buntag gawas kung kuyog sa ginikanan, mouli gikan sa trabaho o klase, o nalambigit sa emerhensiya. Gani, lakip usab sa gibisita sa mayor uban ang mga taga-lokal nga panggamhanan ang pipila ka computer shops, baywalk areas, ug mga CVO outposts sa lain-laing barangay.
Samtang, ang PNP ug mga Punong Barangay gihatagan usab og katungod sa mayor sa istriktong pagpatuman niini subay sa Juvenile Justice and Welfare Act of 2006.
Ang maong kalihokan kabahin, matud pa, sa padayong kampanya sa LGU aron mapanalipdan ang mga kabataan sa dautang impluwensya sa gawas ug aron malikayan nga makompromiso ang seguridad sa tanan.
RadyoMaN Kareen Beltran
