General Santos City–Epektibo ang ginapatuman nga curfew sa General Santos City Police Office sa tibuok Gensan aron nga mapugngan ang pagkuyanap COVID 19 nga bahad sa panglawas sa kadaghanan.
Sumala pa ni Police Llieutenant Renato Dungca ang tigpamaba sa General Santos City Police Office nga nahimong nindot matud pa ang hingpit nilang pagpatuman sa curfew sa syudad tungod kay naminusan na ang mga tawo nga nag laroy-laroy sa kadalanan panahon sa kagab-ihon.
Dugang pa niini nga gawas sa paglimita sa kalihokan sa tawo sa syudad panahon sa gabie mas mag-ubus man usab ang krimen nga nagakahitabo gumikan ginasita ang tanang tawo nga naglaroy laroy lang gawas sa ilang balay.
Apan gipaklaro ni Dungca nga aduna gihapon silay tugutan nga makagawas panahon sa gabie hilabi kadtong mga empleyado nga gabie ang ilang trabaho basta kay magpakita lang ug ID nga nagapamatuod sa iyahang trabaho. (Dave Silagan)
