Subay sa revised Municipal Ordinance No. 41-99 o “An ordinance fixing curfew hours for minors and persons below 18 years of age and providing penalty and violation hereof,” nakalatid nga magsugod ang curfew alas 10:00 sa gabii hangtud alas 5:00 sa buntag, epektibo niadtong October 2, 2023.
Gihimo ang maong lakang nunot sa mga insidente diin nalambigit ang nahilambigit ang mga batan-on.
Ang makalapas sa maong direktiba ipailawom sa counseling sa police station or barangay hall ayha papaulion nga mao first offense; duha ka oras nga community service alang sa 2nd offense; ug upat (4) ka oras nga community service ug counseling sa Department of Social Welfare and Development (DSWD) alang sa 3rd offense.
Samtang ang ginikanan mag-atubang usab og sanctions tungod sa binuhatan sa ilang anak, diin sa first offense, ipailawom sa counseling ang ginikanan sa police station o barangay hall; duha (2) ka oras nga community service alang sa 2nd offense; ug upat (4) ka oras nga community service ug multang P1,000 ug proper counseling sa DSWD alang sa 3rd offense.
RadyoMaN Kirby Manzon
