Customer Care Center magabaton na sang reklamo kontra PECO.
Magabaton na sang mga reklamo kontra Panay Electric Company (PECO) ang Customer Care Center (CCC) sang Iloilo City Government.
Suno kay City Administrator Atty. Hernando Galvez, mangin kabahin na sang papel sang Customer Care ang pagbaton sang mga reklamo kontra public utilities kaangay sang PECO.
Sa karon wala pa sang guidelines kun paano mag-operate ang complaint desk apang ginalauman nga magapaggwa sang pagsulondan si Mayor Jose Espinosa III.
Katuyuan sang pagtukod sang complaint desk amo nga masundan ang mga reklamo sang publiko kontra PECO kag iban pa nga public utilities.
Ang tikang ni Espinosa sabat sa nagadamo nga reklamo kontra sa PECO samtang nagaproseso sang renewal sang ila franchise ang power distributor.
(photo from web)
