Boracay Island- Maeaea nga masyadong masakit.
Daya gihapon do nabatyagan makaron it 25-anyos nga eaeaki nga ging kilaeang si Eduardo Batocabe, 25 anyos it El Nido Palawan.
Sa report it Boracay Tourist Assistance Center (BTAC) natabo ro insidente sa sangka Vidioke Bar sa Manocmanoc, Boracay ku siyang aga-aga.
Suno pa sa BTAC, sunog ro pihak nga uyahon it nasambit nga customer kat ging basyahan imaw it aksido ko sangka GRO.
Gina sugid nga aksidenteng nagbungguan do biktima kaibahan do ana pa nga sambilog nga barkada ag ro GRO ag nagtuga raya it mapig-ud nga diskusyon samtang ko ulihe nagka-ayos man ag dikato hay nag-order sanda it ilimnon sa GRO.
Pero uwa pa gali dikara natapos do anda nga problema bangod nga ging kaugot gid daya it GRO rason para nga bumuoe imaw it aksido ag dikato hay ging basya nana sa biktima.
Madasig man nga ging daea sa sangka pribado nga klinika do biktima nga makaron hay padayon pa gihapon nga nagapamayad samtang ging taw-an eon it naga kaigo nga aksyon do GRO.
