Davao City – Mireklamo sa kwerpo sa kapulisan ang usa ka ‘binabayeng’ negosyante tungod kay wala matagbaw sa extra service nga gi-offer sa masahista.
Sa blotter sa Talomo PNP, nagpamasahe si alyas Tony, 43 anyos, ulitawo, negosyante, nagpuyo sa Bago Gallera, Davao City, sa usa ka massage spa sa Matina ala 1:00 sa kaadlawon sa kantidad nga 300 ka pesos.
Sumala ni alyas Tony nga mihanyag ang lalakeng masahista og extra service dayong hapuhap sa mga pribadong parte sa iyang kalawasan.
Human sa extra service mibayad si alyas Tony ug 1,000 ka pesos ug nagtuo nga sensilyoha’g 700 ka pesos kay wala siya matagbaw sa serbisyo sa lalakeng massage therapist.
Sa dihang iyang gipangayo ang kambyo sa iyang usa ka libo wala na muhatag ang masahista kay ang singil sa serbisyo usa ka libo.
Didto na miulbo ang lalis sa duha hantud nga nidangop sa kapulisan si alyas Tony aron ipatala iyang reklamo.
RadyoMaN Erin Lumosbog
