CAUAYAN CITY -NAGPADALA ANG CAGAYAN VALLEY CENTER FOR HEALTH DEVELOPMENT (CVCHD), KASAMA ANG PROVINCIAL DOH OFFICE NG ISABELA, NG DOCTOR TO THE BARRIOS (DTTB) SA BAYAN NG DIVILACAN.
ITO AY BILANG BAHAGI NG PAGPAPATIBAY SA SERBISYONG PANGKALUSUGAN SA MGA MALALAYONG LUGAR.
ANG DEPLOYMENT NG DTTB AY INAASAHANG MAGPAPALAKAS SA PAGBIBIGAY NG PANGUNAHING SERBISYONG MEDIKAL SA DIVILACAN SA PAMAMAGITAN NG MAS MALAPIT NA PAKIKIPAG-UGNAYAN SA KOMUNIDAD AT PAGPAPATIBAY NG MGA LOKAL NA PROGRAMA.
KASABAY NITO, ISINAGAWA ANG PUROKALUSUGAN PROGRAM IMPLEMENTATION REVIEW SA DIVILACAN AT MACONACON, NA TUMUTOK SA MGA PROGRAMANG TULAD NG TB CONTROL, PAGBABAKUNA, NUTRISYON, AT NON-COMMUNICABLE DISEASES.
IPINAKITA SA REVIEW ANG MGA POSITIBONG PAGBABAGO SA KABILA NG MGA HAMON SA LOGISTICS.
NAGBIGAY RIN NG TEKNIKAL NA TULONG ANG DOH SA PAGGAMIT NG ICLINICSYS AT ELMIS UPANG MAPABUTI ANG HEALTH DATA AT SERBISYO.
