CAUAYAN CITY – NAGSANIB-PUWERSA ANG CAGAYAN VALLEY MEDICAL CENTER (CVMC) AT PHILIPPINE HEART CENTER (PHC) SA PAGLULUNSAD NG UNANG CARDIOVASCULAR SURGICAL MISSION SA REHIYON.
GINANAP ITO SA CVMC MULTI-PURPOSE HALL NA LAYUNING MAGBIGAY NG LIBRENG OPERASYONG CARDIOVASCULAR PARA SA MGA PASYENTENG KAPOS SA BUHAY NA MAY SAKIT SA PUSO.
AYON KAY DR. CHERRY LOU ANTONIO NG CVMC, BUKOD SA PAGBIBIGAY NG AGARANG LUNAS, ISINUSULONG DIN NG SURGICAL MISSION ANG PAGSASANAY NG LOKAL NA MGA DOKTOR UPANG MAPALAKAS ANG SERBISYONG MEDIKAL SA REHIYON.
BINATI NAMAN NI PHC DIRECTOR DR. AVENILO AVENTURA ANG CVMC SA KANILANG KAHANDAAN AT DEDIKASYON.
BINIGYANG-DIIN NI DOH USEC. GLENN BAGGAO NA SA PAMAMAGITAN NG SURGICAL MISSION, HINDI NA KAILANGANG BUMIYAHE NG MALAYO ANG MGA PASYENTE PARA SA ADVANCED HEART CARE.
ANIYA, ANG HAKBANG NA ITO AY BAHAGI NG LAYUNIN NG UNIVERSAL HEALTH CARE NA GAWING ABOT-KAMAY ANG SERBISYONG MEDIKAL.
SIYAM NA PASYENTE, KABILANG ANG WALONG BATA AT ISANG MATANDA MULA SA CAGAYAN AT ISABELA, ANG NAKATAKDANG OPERAHAN DAHIL SA IBA’T IBANG KONDISYON SA PUSO.
