BACOLOD CITY – Nagpadulong man sa istasyon sang pulis ang isa ka dalaga agud ireklamo ang isa ka babayi sang cyber bullying matapos nga ini siya ang ginpakahuy-an sa social media pinaagi sa Facebook.
Ang tagreklamo, isa ka 20 anyos nga dalaga, pumuluyo sang Brgy. Granada, samtang ang iya ginareklamo ang isa man ka babayi nga may legal ang edad kag residente sang Magsungay, Brgy. Singcang Airport.
Sa iya pagpa-blotter sa Police Station 1 may mga las 9:15 kahapon sang aga, ginsiling sang complainant nga sadtong November 13, 2017 iya nadiskubrehan sa Facebook nga may gin-post ang amo nga babayi kon diin ginapasibangdan siya nga may STD ukon Gonorrhea.
Suno sa tag-reklamo, nagmensahe pa ang babayi sa mga posible nga naka-contact sa iya nga magpakonsulta bangud may tuman ini ka makalalaton nga balatian./dyHB BACOLOD
