Davao City- Gipasidad-an sa PNP- Regional Anti Cybercrime Unit XI ang katawhan batok pagpakatag og bisan unsang matang sa disinformation nga makaapekto sa response sa COVID-19 pandemic.
Sa pakighinabi sa RMN Davao kang RACU XI chief Police Col. Ben Jumalon, padayon ang pagpahigayon og cyber patrol operations sa social media ug sa uban pang online platforms.
“Among opisina is igo ga-preserve sa tanang mga ebidensya sa social media nga ginapost. Ang tawag namo ana is cyber patrolling on COVID-19 and on fake news,” sumala niini.
Ilawom sa Bayanihan Law mamahimong masilotan ang mga magpakatag og mga false information may kalabutan sa COVID-19 ug Presidential Decree No. 90 kun declaring unlawful rumor-mongering and spreading false information.
Gipahimangnoan ni Jumalon ang publiko aron dili mabiktima sa fake news, dili basta-bastang mutuo ug i-share ang mga mabasa ug posts sa online, i-fact check usa kini sa mga lehitimong sources sama sa World Health Organization, Department of Health ug mga eksperto sa nasangpit nga balatian.
RadyoMaN Aimee Guinita
