Cyber Security Office solusyon sa cyber attack

Nagtuo ang usa ka Call Center Agent nga mahatagan na ug solusyon ang giatubang nga suliran sa kagamhanan batok Cyber Attack kun aduna nay Departamento o buhatan nga magatutok.

Sumala ni Rhea Cariquit, nga mas maayong adunay ahensya nga tahasan aron mas mapadali ang paghatag ug aksyon batok sa mga responsabli nga nagapang hacked sa mga website sa kagamhanan.

Matud ni Cariquit nga alarming na ang krimen pinaagi sa digital technology ilabina ang Cyber Scam, bullying ilabina sa Cyber Attack diin delikado kaayo ang mga sensitibong inpormasyon nga makuha sa mga hackers.

Gidugang ni Cariquit nga kun adunay buhatan nga magatutok mas daling matumbok ingun man madakpan ang mga sindikatong hackers ug masilotan gilayon.

Kahinumduman nga gisugyot ni ACT-CIS Representative Erwin Tulfo nga mugnaon sa kagamahanan ang Cyber Security Office aron solusyonan ang way kahumanan nga cyber attacked sa mga ahensya sa kagamhanan.

RadyoMaN Erin Lumosbog