CYBER SEX | Australian National kag live -in partner nga Ilongga, arestado sa paglapas sa cyber crime law.

3016

Arestado ang isa Australian national kag iya live-in partner nga Ilongga matapos ginserbihan sang search warrant angut sa pagpatigayon sang cyber sex sa balay nga ila gina-rentahan sa isa ka Subdivisiuon sa banwa sang Pavia, Iloilo.
Ginkilala ang nadakpan nga Australian national nga si John Laffler, 69 anyos kag ang iya live-in partner amo si Gladys Degala, 21 anyos sang Barangay Bakhaw, Mandurriao.
Ginpangunahan ni Iloilo Police Provincial Office (IPPO) Director Sr. Supt. Marlon Tayaba ang pagserbe sang search warrant sa balay sang suspek matapos nakabaton sang impormasyon nga naga-maintain ini sang cybersex den.

Ginpahayag ni Tayaba nga pila sa mga minor nga ginagamit nga modelo sang mag-live in partner ang naga-edad sang 13, 14 kag 16 anyos base sa ila profiles.
Ginapahayag nga gina-engganyo sang mga subjects ang mga minor nga magpa-picture nga hublas kag ang mga litrato ginapadala sa ila kliyente nga foreigners kabaylo sang kuwarta.
Suno kay Tayaba nga duha na ka tuig nga nagatiner sa Iloilo si Laffler kag siya ang nagatudlo kay Degala kon paanu mag-online transaction para sa ila operation.
Kaupod sang IPPO sa ginhiwat nga operation ang Pavia PNP, Interagency Council Against Trafficking, International Justice Mission, DSWD, Women Children Protection Center (WCPC-Visayas) kag Regional Anti-Cybercrime Unit.
Wala sang may naabtan nga menor de edad nga kabataan ang mga otoridad sang ginsulod ang ginatineran nga balay ni Laffler apang may narecover nga mga pornographic materials sa sulod sang balay.

Facebook Comments