Syudad sang Iloilo –Bangud sang pinakaulihi nga outbreak sang Avian Influenza (AI) ukon Bird Flu sa banwa sang San Luis, Pampanga, gin-activate na sang Department of Agriculture (DA) 6 ang regional avian influenza task force agud masiguro nga ang Western Visayas magapabilin sa AI-Free region.
Ginsiling ni Director Remelyn R. Recoter nga importante ang papel sang rehiyon bangud nga entry point ini sang mga Ro-Ro vessels gikan sa Luzon.
Gin-ganyat ni Recoter ang mga katapo sang Regional Advisory Council for Animal Disease Control and Emergency (RAC-ADCE) mangin aktibo sa monitoring, sureveilance kag reporting sang indi ordinary nga pagkalamatay sang mga ginasagud nga poultry, kag presensya sang migratory birds sa lugar .
Dapat man nga mabanatayan ang nagasulod nga poultry products sa rehiyon gikan sa iban nga lugar.
May population ang rehiyon nga 3,106,753 heads sang broiler, 934,967 layers kag 7,855,082 native nga manok.
May average monthly requirement nga 50,000 ka dressed chicken kag 3.3 million table eggs sang rehiyon.
