Davao City – Hugot ang gihimong surveillance karon sa Department of Agriculture (DA) batok sa mga backyard hog or swine raisers kinsa mas gipiling tagoan ang ilang mga binuhing baboy taliwala sa African Swine Fever (ASF) outbreak.
Matud ni Agriculture Sec. William Dar, adunay naharang ang mga opisyales sa Sarangani nga nisulay og pag-transport kun pagpayuhot ingon man pagpamaligya sa mga baboy gikan sa Davao Occidental nga maoy ‘ground zero’ sa ASF outbreak dinhi sa Mindanao.
Nagpasidaan si Dar sa tanang mga malapason nga sila klarong mag-atubang gayod og tukmang silot ilawom sa Animal Welfare Act.
“Nandyan po ang batas, ang Local Goverment Units at sila po ang mangunguna sa pag-implement ng batas,” matud ni Dar.
Gibatbat usab ni Department of Agriculture (DA-XI) Regional Director Ricardo Oñate, Jr. nga hugot nilang gi-implementar ang Protocol 1-7-10 aron mapugngan ang pagkuyanap sa maong animal disease kun balatian sa mga binuhi.
RadyoMam Aimee Guinita
