Inilatag ng Department of Agriculture o DA ang mga alituntunin kaugnay sa paggamit ng African Swine Fever o ASF vaccine sa mga magsasaka sa Batangas.
Pinangunahan nina Undersecretary Deogracias Sevellano at Assistant Secretary Constante Palabrica ang pagpapaliwanag sa mga hog farmers ang draft guidelines sa pagpapatupad ng controlled use ng ASF vaccine.
May mga nagparehistro na rin na mga magsasakang interesadong pabakunahan ang kanilang mga baboy.
Inilatag ng Bureau of Animal Industry team ang mga hakbang at requirements sa paggamit ng ASF vaccine.
Bago bakunahan, kukuhaan muna ng blood sample ang mga baboy upang masuri kung may impeksyon ng ASF.
Tanging mga malulusog na baboy lamang ang babakunahan upang maiwasan ang pagkalat ng virus at posibleng mutation nito.
Ang Batangas ay kasalukuyang sentro ng muling pagkalat ng ASF, isang virus na lubhang nakaapekto sa industriya ng baboy mula noong unang paglitaw nito noong 2019.
