Plano sang Department of Agriculture kag Department of Trade and Industry nga butangan sang suggested retail price ukon SRP ang mga karne sang baboy kag manok.
Nahibaluan nga hinali lang nga nagtaas ang presyo sang manok kag baboy bisan nagapabilin naman ang farm gate prices sang mga ini.
Ginapahayag nga 88 tubtub 95 pesos lamang ang farm gate price sang buhi nga manok kag ginalauman nga yara sa 128-140 pesos lamang ang market price sini apang nagahampak ini sa balor nga 160 pesos kada kilo sa merkado.
Ang buhi nga baboy naman ang may farm gate price nga 125-130 pesos kada kilo kag dapat ibaligya ini sa 200 pesos kada kilo.
Apang nagalab-ot sa 230-250 pesos ang presyo sa merkado.
Nagaduda ang DTI kag DA , ginagamit nga rason sang pila ka grupo ang pagtaas sang presyo sang mga produktong petrolyo agud magpataas man sila sang presyo sang ila mga produkto.
(photo from web)
