Davao City – Ginamonitor karon sa Department of Agriculture (DA)-XI ang mga baboy sa rehiyon human nga gikumpirma sa DA nga African Swine Fever (ASF) ang hinungdan sa pagkamatay sa mga baboy sa Rizal Province didto sa kaulohan.
Sa interbyu sa DXDC RMN Davao kang Dra. Armie Capuyan, ASF Regional Focal, gikumpirma niini nga padayon ang ilang koordinasyon sa mga Local Government Units (LGUs) aron ma-monitor ang mga baboy nga mangamatay ug kung unsa ang hinungdan niini.
“As part of the surveillance of monitoring natin for the possible or any other disease dito sa region eleven, naga coordinate po kami for mga LGUs, kami po sa Department of Agriculture. As to kung halimbawa nga mga reported na animal diseases sa kanilang respective provinces,” saysay ni Capuyan.
Segun ni Capuyan nga kung aduna may insidente sa pagkamatay sa baboy ila gilayon kining ginakuhaan og sample alang sa laboratory testing.
Sa pagkakaron, matud sa ASF regional focal person nga wala pay gina-report nga kaso sa ASF sa pagkamatay sa baboy dinhi sa rehiyon onse.
RadyoMaN Kirby Manzon
