Ipinagbawal ng Department of Agriculture (DA) ang pag-import ng domestic at wild birds at poultry products mula Argentina.
Ito’y matapos kumpirmahin ang outbreak ng highly pathogenic avian influenza o H5N1 bird flu sa naturang bansa.
Sa inilabas na Memorandum Order No. 48 ni Agriculture Secretary Francisco Tiu Laurel Jr., kasama sa ban ang poultry meat, day-old chicks, itlog, at semen para sa artificial insemination.
Ayon kay Laurel, ang hakbang ay para maprotektahan ang kaligtasan ng publiko at ng lokal na poultry industry.
Inatasan din ng DA ang Bureau of Animal Industry (BAI) na agad suspendihin ang pagproseso at pagbibigay ng sanitary at phytosanitary import clearances para sa mga poultry products mula Argentina.
Facebook Comments
