Davao City – Gilaumang ma-release na sa Hulyo ang ‘financial assistance’ sa mga apektadong mag-uuma sa African Swine Fever (ASF) sa Davao Region.
Sa interbyu sa DXDC RMN Davao kang Noel Provido, Spokesperson sa Department of Agriculture (DA)-XI, gibutyag niini nga sa first tranche, anaa sa P103.9 milyon ang budget isip bayad sa 20,793 ka baboy nga na-depopulate nga gilangkuban sa 5,213 farmers. Wala pay labot niini ang bag-ong kaso sa ASF sa Barangay Buenavista, Bansalan, Davao del Sur.
“Naa na ang kwarta, it was already been downloaded sa regional office. Amo lang gi-plastar pa unsaon pag distribute. Hopefully by July, we will now go down sa ground para mahatag ni,” butyag ni Provido.
Makadawat sa maong financial aid ang ASF-affected farmers sa Davao Occidental mao ang munisipalidad sa Don Marcelino, Malita, Jose Abad Santos ug Santa Maria. Sa Davao del Sur mao ang munisipalidad sa Sulop ug sa Davao City mao ang barangay Dominga, Lamanan ug Inayangan.
Samtang second tranche, anaa sa P28M ang mabayad sa 5,628 ka baboy nga gi-depopulate nga gilangkuban sa 1,186 farmers alang sa apektado sa Malita, Davao Occidental nga ulahing naka report sa ihap sa depopulated nga baboy sa lugar.
RadyoMaN Kirby Manzon
