Davao City – Gihangyo sa Department of Agriculture (DA) XI ang mga lokal nga panggamhanan nga regular nga i-monitor ang ilang mga lugar kung mabatian na ba ang epekto sa El Niño.
Sumala kang Joedel Leliza, Disaster Risk Reduction Management (DRRM) Regional Focal person sa DA, iyang giangkon nga niaksyon sila og kabalaka niadtong Nobyembre tungod adunay mga pagpangliki sa yuta duol sa pipila ka mga umahan sa Mati, Davao Oriental ug Matanao, Davao del Sur.
Sa pagkakaron, giandam na sa DA ang budget aron dili maapektuhan ang produksyon sa agrikultura ilabi na nga karong 2024 lauman ang ‘full-swing’ sa ting-init.
Gawas sa regular nga preparatory activities ug constant monitoring, gipahingusgan sab nila ang distribusyon sa information education campaign materials sa mga mag-uuma kung paunsa nila maprotektahan ug mapa-ugmad ilang pananom.
RadyoMaN Ivy Parido
Facebook Comments
